Pronari shqiptar i një bistroje familjare, i cili ishte në qendër të një operacioni për trafik kokaine nëpërmjet WhatsApp, së bashku me djalin dhe vëllain e tij janë dënuar me burg nga gjykata britanike.
Rezart Balesi, 44 vjeç, u përshkrua si “figura e lartë” në operacionin e organizuar nga policia dhe u dënua me 7 vjet e 6 muaj burg. Djali i tij Joshua, 22 vjeç dhe vëllai i tij Refaili, 39 vjeç, u burgosën gjithashtu.
Gjyqtarja e Kurorës në Manchester, Sarah Johnston tha se trafiku i paligjshëm ishte një "ndërmarrje tregtare dhe fitimprurëse", me mesazhe që sugjeronin se grupi mund të fitonte 9,000 paund në një natë të vetme, shkryuan Daily Mail.
Balesi përdorte lokalin e tij “Village Bistro” në Bury si qendër për shpërndarjen. Djali dhe vëllai i tij kontrollonin një “linjë marrëveshjesh” me telefon celular, duke marrë porosi për kokainë. Më pas ata angazhonin shpërndarës të besuar. Gjykatësja Johnston tha për Rezartin: “U përpoqe të mos i ndotje duart, por ishe i përgatitur ta bëje.”
Ajo gjithashtu e kritikoi atë për përfshirjen e të birit, atëherë 18-vjeçar, në trafiqe, duke i thënë se kjo “duhet të jetë për turpin tënd të përjetshëm”.
Vëllai i tij Refail Balesi u dënua me 5 vjet e 3 muaj burg, ndërsa Joshua u dënua me 4 vjet. Shpërndarësit Fatos Vrenezi, 53 vjeç dhe Lorenzo Canovi, 48 vjeç, u burgosën përkatësisht me nga 4 vjet.
Immanuel Lumaj, 30 vjeç, u burgos për 3 vjet e 9 muaj, ndërsa Fjoraldo Lukaj, 31 vjeç, mori 3 vjet e 6 muaj dhe do të përballet me deportim. Antonino Precaj, 33 vjeç, u burgos për 2 vjet e 3 muaj për rolin e tij në t kultivimin e kanabisit ku përfshihej edhe Joshua.
Trafiku i drogës zgjati nga maji 2024 deri në mars 2026.
Prokurorët thanë se shkalla e vërtetë ishte e vështirë të përcaktohej, por provat treguan dhjetëra marrëveshje kokaine që zhvilloheshin në disa ditë, me një ekspert që vlerësoi se rreth 790 g kokainë u furnizua gjatë një periudhe 3-mujore.
Gjykata dëgjoi gjithashtu se kishte mesazhe për blerjes të kokainës me shumicë për 36,000 £. Gjykatësi Johnston tha se operacioni nuk ishte “shtypës, por kolegjial” dhe se ata që ishin të përfshirë kishin zgjedhur me dëshirë të përfitonin nga “mjerimi” i shkaktuar nga droga. ©LAPsi.al
