Policia ka arrestuar ditën e sotme tre të rinjtë në Himarë, të cilët dhunuan dhe kërcënuan me një pistoletë çakmak 70-vjeçarin në banesën e tij. Me datë 12 korrik ata kishin hyrë në banesën e tij, e kishin mbajtur me dhunë dhe e kishin kanosur me një imitues arme zjarri, me qëllim vjedhjen e një shume parash.
Nga verifikimet rezultoi se njëri prej tyre kishte thyer masën e sigurisë "Arrest në shtëpi", të caktuar nga Gjykata për krime në fushën e narkotikëve. Nga hetimet rezultoi se 3 të rinjtë kishin mbajtur banesën e 70-vjeçarit në vëzhgim për 2 ditë dhe kishin marrë me qira një automjet për të shkuar në vendin e ngjarjes dhe për të kryer krimin.
