Presidenti turk Recep Tayyip Erdogan ka deklaruar se anëtarësimi i Turqisë në Bashkimin Evropian nuk është më një nga prioritetet kryesore të Ankarasë, duke lënë të hapur megjithatë mundësinë e anëtarësimit në të ardhmen.
Sipas raportimeve nga mediat e huaja, në një intervistë, Erdogan tha se Turqia ka pritur prej 53 vitesh për t’u integruar në BE dhe se vendi nuk e ka mbyllur derën ndaj këtij procesi. Erdogan theksoi se Ankaraja nuk do të ushtrojë presion për anëtarësimin, duke u shprehur se Turqia do ta konsideronte pozitivisht një pranim, por do ta pranonte edhe refuzimin.
“Prioriteti ynë nuk është Bashkimi Evropian”, deklaroi ai, ndërsa shtoi se, nëse procesi nuk përparon humbja do të jetë e Evropës dhe jo e Turqisë
