Inspektoriati Kombëtar i Mbrojtjes së Territorit (IKMT) ka gjobitur me 2 milionë lekë subjektin e Sh. Mulosmani. Ai shfrytëzonte shtratin e lumit të Valbonës për të nxjerrë materiale inerte, në kundërshtim me ligjin. Sipas njoftimit zyrtar, inspektimi u krye pas denoncimeve për aktivitet të paligjshëm në zonë. Gjatë verifikimeve në terren, inspektorët konstatuan shkeljet dhe vendosën, përveç gjobës, edhe pezullimin e aktivitetit deri në pajisjen e subjektit me lejen përkatëse, sipas legjislacionit në fuqi.
IKMT bëri me dije se subjekti është urdhëruar gjithashtu të korrigjojë shkeljet e konstatuara dhe të eliminojë pasojat e shkaktuara nga ndërhyrja në shtratin e lumit.
