Një automjet është djegur pranë murit të nënstacionit elektrik në lagjen “Çlirimi” të qytetit të Lushnjes. Ndërhyrja e zjarrfikësve nuk ka lejuar përhapjen e zjarrit në nënstacionin elektrik, as në banesat që janë ngjitur në këtë lagje.Zjarrfikësit, kanë ardhur me urgjencë në vendngjarje, kanë shuar zjarrin që kishte rënë brenda kabinës së mjetit që u shkrumbua tërësisht. Ekspertët e policisë shkencore në bashkëpunim me zjarrfikësit po punojnë për të zbardhur shkaqet që çuan në djegien e automjetit në këtë zonë me rrezikshmëri të lartë për shkak të banesave dhe nënstacionit elektrik.
