Të shumtë ishin shqiptarët që u bënë bashkë para ambienteve të Komisionit Europian kundër projektit të Zvërnecit. Thirrja e tyre ishte: “Atdheu nuk është në shitje”.
“Edi Rama jemi këtu nga Komisioni Evropian dhe të themi se 2 milion shuplaka do të vijnë nga shqiptarët”, - është një prej mesazheve që vjen nga një protestues.
Shqiptarët që jetojnë në Mbretërinë e Bashkuar kanë zhvilluar për të dytën ditë radhazi një tubim para Ambasadës sonë në Londër. Ata kanë shprehur kundërshtimin e tyre ndaj projektit të planifikuar në zonën e Zvërnecit.
Pjesëmarrësit mbanin flamuj kuqezi dhe pankarta me thirrje për mbrojtjen e mjedisit, ruajtjen e pasurive natyrore dhe më shumë transparencë lidhur me planet e zhvillimit në këtë zonë. “Rama në burg”, “Rama ik!”, “Rama të japë dorëheqjen” ishin thirrjet e protestuesve.
Një tubim është mbajtur edhe në Hagë. “Rama në burg”, “Shqipëria është e jona”, ishin thirrjet e shqiptarëve.
Prej disa ditësh shqiptarët kanë protestuar në Tiranë dhe në qytete të ndryshime në Shqipëri, por jo vetëm. Protestat janë shtrirë edhe jashtë kufijve. ©LAPSI.al
