Gjykata e Shkodrës ka caktuar masën e sigurisë 'arrest shtëpie' për babë e bir, të arrestuar pas konfliktit të ndodhur më 16 korrik në ambientet e Poliklinikës së qytetit, ku mbeti i plagosur një person.
Gjatë seancës gjyqësore, trupi gjykues rrëzoi akuzën për 'vrasje në tentativë', pasi nga veprimet hetimore nuk u provua se 18-vjeçari kishte përdorur apo mbante thikë gjatë përplasjes. Të dy të dyshuarit shprehën pendesë, duke deklaruar se konflikti ndodhi në gjaknxehtësi e sipër.
Në të njëjtën seancë, gjykata vendosi masën 'arrest shtëpie' edhe për Arben Kepëcën, i cili akuzohet për armëmbajtje pa leje. Hetimet për zbardhjen e plotë të rrethanave të ngjarjes vijojnë.
