Pas fjalimeve para Kryeministrisë, protestuesit kanë nisur marshimin në rrugët e Tiranës. Me thirrje kundër qeverisë, qytetarët kërkuan sërish dorëheqjen e kryeministrit Edi Rama.
Gjatë marshimit u dëgjuan thirrje si “Pa rini, nuk ka Shqipëri!”, “Dorëheqje!”, “Shqipëria kërkon revolucion!”, “O milet, Rama ka siklet!” dhe “Diaspora është me ne!”. Në krye të marshimit janë vënë gratë dhe vajzat, të cilat po udhëheqin protestuesit në rrugët e kryeqytetit.
Protesta ka spikatur duke bërë bashkë shtresa të ndryshme të shoqërisë, nga fëmijë e të moshuar, te studentë, profesionistë, aktivistë dhe deri te turistë të huaj që i janë bashkuar qëndresës qytetare.
