Kryeministri Edi Rama gjatë fjalës së tij në forumin Cernobbios në Itali deklaroi se Serbia është një lloj kafshe e çuditshme në xhunglën e Ballkanit.
Rama ka ngritur pikëpyetjen se si do të ishte më mirë, që Serbinë ta kesh rreth tryezës e t’i thuash se nuk mund të bëhet funeral shtetëror për një kasap apo ta lësh në ujëra të pasigurta dhe të krijohet një situatë skizofrenike mes Europës, Kinës, Amerikës dhe Rusisë.
“E di që Serbia është një lloj kafshe shumë interesante dhe e çuditshme ne xhunglën e Ballkanit. Çfarë është më mirë ta kesh ulur rreth tryezës dhe t’i thuash: jo nuk mund të mund të bëhesh një funeral shtetëror për një kasap apo ta lësh në ujëra ta pasigurta dhe të krijosh një situatë krejt skizofrenike mes Europës, Kinës, Amerikës dhe Rusisë e nuk e di se kujt tjetër. Kjo është qasja ime dhe duhet të ndodhë tani ça është kjo atmosferë, e kujt, e atyre që nesër mund të fshihet nga ekstremet”, tha Rama.
