Ish-emisari amerikan për dialogun Kosovë - Serbi, Richard Grenell vijon ta mbajë gjithnjë njërin sy te zhvillimet në Prishtinë. Në 24 orët e fundit ai ka komentuar në rrjetet sociale për atë që po ndodh pas përçarjes në LDK për emrin e Presidentit të ri të Kosovës.
Në një reagim në X, Grenell u del në krah 6 deputetëve të LDK-së që nuk pranuan emrin e Bekim Sejdiut për President sipas marrëveshjes Kurti Abdixhiku.
Grenell publikoi një fotografi të Avdullah Hotit, Hykmete Bajramit, Arben Gashit, Armend Zemajt, Kujtim Shalës dhe Janina Ymerit, duke i cilësuar ata si "miq të mëdhenj të Amerikës".
"Miku im Avdullah Hoti dhe kolegët e tij janë miq të mëdhenj të Amerikës", - shkroi Grenell.
My friend @Avdullah Hoti and his colleagues are great friends of America. pic.twitter.com/jHCcIRC8VF
— Richard Grenell (@RichardGrenell) September 1, 2026
Disa orë më pas bëri një tjetër koment duke akuzuar indirekt Kurtin se po shkel Kushtetutën.
“Kush në Kosovë po e mbron Kushtetutën e tyre? Kushtetuta është e qartë: Kuvendi duhet të konstituohet brenda 30 ditëve nga certifikimi i rezultateve të zgjedhjeve. Është dita e 50-të” – shkroi Grenell.
Who in #Kosovo is defending their Constitution?
— Richard Grenell (@RichardGrenell) September 2, 2026
The Constitution is clear: the Assembly must be constituted within 30 days of the certification of election results.
It’s day 50.
Edhe pak javë më parë, Grenell ia atribuoi Kurtit përgjegjësinë për krizën politike në vend, duke deklaruar se kryeministri në detyrë "nuk di si të qeverisë" dhe se ka dështuar në luftën kundër korrupsionit.
Në të njëjtën deklaratë, Grenell u shpreh edhe për ish-presidentin Hashim Thaçi, duke thënë se Perëndimi dëshiron ta shohë të lirë dhe të rikthyer në Kosovë për të kontribuar në udhëheqjen e vendit. ©LAPSI.al
