Protestat në Shqipëri kanë rritur kuotat për largimin e kryeministrit Edi Rama edhe në platformën ndërkombëtare të basteve “Polymarket”. Në faqen e njohur për parashikime ku mund të vendosësh para reale është vendosur prej kohësh pyetja: “A do të largohet kryeministri Edi Rama brenda 2026ës?”
Sipas të dhënave aktuale, vetëm rreth 45% e pjesëmarrësve në këtë treg besojnë se Rama mund të largohet nga posti deri më 31 dhjetor të këtij viti.
Pika më e ulët e parashikimeve për largimin e Ramës ishte më 12 maj me vetëm 11% ndërsa më e larta ka qenë në 30 prill me 62%.
Platforma e “basteve” në Polymarket nuk është një sondazh tradicional, por konsiderohet shpesh si një tregues i perceptimit dhe pritshmërive të përdoruesve ndërkombëtarë mbi zhvillimet politike.
Sipas rregullave të publikuara në platformë, rezultati do të konsiderohet “Po” nëse Edi Rama pushon së qeni kryeministër për çdo periudhë kohe nga momenti i hapjes së tregut deri në fund të vitit 2026. Në të kundërt, nëse ai qëndron në detyrë gjatë gjithë kësaj periudhe, rezultati do të jetë “Jo”.
Një element i rëndësishëm është se edhe një njoftim për dorëheqje apo shkarkim brenda këtij afati do të mjaftonte për ta mbyllur menjëherë tregun me rezultatin “Po”, pavarësisht kur hyn në fuqi vendimi.
Polymarket është një platformë online e njohur si “prediction market”, ku përdoruesit vendosin para reale për të parashikuar rezultatin e ngjarjeve të ndryshme, nga politika dhe ekonomia, deri te sporti apo zhvillimet globale. ©LAPSI.al
