Pamjet nga shpërthimi i depozitës së karburantit, ‘Eida’ në zonën e Brrylit në Tiranë janë publikuar. Në pamje shihen flakë dhe banorë të tmerruar, të cilët kanë dalë në rrugë nga frika. Banorët janë shprehur se momenti i shpërthimit ishte si tërmet.
Konkretisht ka shpërthyer bombola e gazit ku furnizohen makinat, ndërsa në momentin e ngjarjes ka qenë edhe një automjet duke u furnizuar me gaz. Nga shpërthimi kanë mbetur të dëmtuat tre punonjës të karburantit, të cilët po marrin ndihmë mjekësore.
Shpërthimi ka shkaktuar dëme të mëdha materiale, duke shkatërruar strukturën e karburantit, si edhe godinën njëkatëshe ku qëndronin punonjësit. Njëri prej punonjësve ka mbetur i bllokuar brenda godinës për disa minuta, por ndërhyrja e banorëve të zonës ka bërë të mundur nxjerrjen e tij, duke shmangur pasoja edhe më të rëndë, ndërsa flakët kishin përfshirë biznesin.
