Protesta e 36-të kundër qeverisë do të zhvillohet këtë të diel në orën 19:00, ndërsa organizatorët u kanë bërë thirrje qytetarëve nga e gjithë Shqipëria, si edhe shqiptarëve të diasporës që ndodhen në Tiranë, t'i bashkohen tubimit.
Sipas planit të njoftuar, protestuesit do të grumbullohen fillimisht në sheshin "Skënderbej", për të marshuar më pas drejt godinës së Kryeministrisë, ku do të zhvillohet pjesa kryesore e protestës.
Organizatorët kanë deklaruar se kërkesa e tyre mbetet dorëheqja e kryeministrit Edi Rama, duke theksuar se protestat do të vijojnë deri në realizimin e këtij objektivi. Përmes mesazhit "Ju erdhi fundi", ata u kanë bërë thirrje qytetarëve të marrin pjesë masivisht në protestën e radhës.
