Një konflikt mes tre personave në Shkodër ka përfunduar me të shtëna me armë dhe përdorimin e thikës. Një 24-vjeçar humbi jetën, ndërsa dy persona të tjerë mbetën të plagosur. Ngjarja ndodhi rreth orës 05:30, në lagjen “Kongresi i Përmetit”.
Sipas policisë, Andri Vulaj, 25 vjeç, dyshohet se qëlloi me pistoletë Qamil Lulin, 63 vjeç, dhe djalin e tij, Ylber Luli, 24 vjeç. Babë e bir dyshohet se më pas plagosën me thikë 25-vjeçarin. Ylber Luli u transportua në spital, por nuk arriti t’u mbijetonte plagëve. Babai i tij mbeti i plagosur.
Policia arrestoi Andri Vulajn dhe sekuestroi pistoletën që dyshohet se u përdor në ngjarje. Hetimet vijojnë për të zbardhur dinamikën dhe përgjegjësitë e plota të konfliktit.
