Deputeti i Partisë Socialiste Ardit Bido ka rrezikuar të konfliktohet me protestuesit këtë pasdite. Ndryshe nga kolegët e tij që i janë shmangur turmës së protestuesve kur rrethoi Parlamentin, ai ka tentuar të futet përmes tyre për t'u larguar nga parlamenti.
Qytetarët nuk e kanë pranuar dhe kanë thirrur në kor që ai të largohej, nisur edhe nga deklaratat publike të deputetit kundër protestës. Menjëherë kanë ndërhyrë disa efektivë të Policisë së Shtetit.
Siç shihet dhe nga pamjet nga episodi i zhvilluar në shëtitore, turma borohoret në kor dhe mes tensioneve efektivët largojnë deputetin.
Deputetët mbetën të bllokuar për disa momente në oborrin e parlamentit, pasi protestuesit kanë mësyrë befasisht nga bulevardi “Dëshmorët e Kombit”, drejt rrugës “Xhorxh Bush”.
Menjëherë, Garda e Republikës dhe Policia e Shtetit kanë shtuar masat e sigurisë, për të shmangur çdo përplasje të mundshme, ndërsa turma thërriste në kohë “ju erdhi fundi” dhe “jepni dorëheqjen”. /LAPSI.al
