Është bërë viral momenti i tmerrshëm kur një bizon i madh goditi dhe e hodhi në ajër një burrë të moshuar. Ngjarja ndodhi në Parkun Kombëtar Yellowstone në SHBA.
Incidenti ndodhi të premten e kaluar, kur viktima dhe nipi i tij ishin në vendngjarje dhe kur u përpoqën të bënin disa foto të kafshës së egër. Në një moment ajo filloi t'i ndiqte.
Në videon që po qarkullon në internet, plaku dhe nipi i tij fillimisht shihen duke ecur disa dhjetëra metra larg bizonit. Kur bizoni i vëren, ngrihet nga toka dhe fillon të lëvizë drejt tyre.
Teksa fëmija largohet me shpejtësi, plaku e gjen veten duke u ndjekur nga kafsha e egër, ndërsa përpiqet të fshihet midis pemëve. Megjithatë, bizoni e sheh dhe e godet me kokë, duke e hedhur në ajër.
Siç raportoi një dëshmitar okular, viktima u hodh në ajër në një lartësi prej afërsisht 3 metrash. Mediat amerikane shkruajnë se ai është plagosur rëndë. ©LAPSI.al
