Ylli i Norvegjisë, Erling Haaland, ishte protagonisti absolut i fitores ndaj Brazilit, duke realizuar dy gola që i siguruan kombëtares kualifikimin në çerekfinalet e Kupës së Botës.
Pas ndeshjes në New Jersey, festimet vazhduan në dhomën e zhveshjes, ku futbollistët morën një vizitë të veçantë nga Princesha Ingrid Alexandra dhe vëllai i saj, Princi Sverre Magnus. Princesha përshëndeti një nga një lojtarët dhe përqafoi ngrohtësisht Haaland, i cili në atë moment festonte me shokët e skuadrës.
22-vjeçarja, e cila është e dyta në radhën e trashëgimisë së fronit norvegjez dhe pritet të bëhet monarkja e parë femër e vendit pas më shumë se 6 shekujsh, mori pjesë në turne pasi zëvendësoi të atin, Haakon. Ky i fundit anuloi udhëtimin për shkak se bashkëshortja e tij, Mette-Marit, iu nënshtrua një ndërhyrjeje kirurgjikale.
Vizita në Kupën e Botës ishte gjithashtu paraqitja e parë zyrtare publike e Princeshës Ingrid Alexandra që pas operacionit të nënës së saj. Gjithsesi ra në sy që Halaand priti princeshën gjysmë i zhveshur. ©LAPSI.al
