Një incident është regjistruar në ambientet e Gjykatës së Posaçme kundër Korrupsionit dhe Krimit të Organizuar (GJKKO), ku disa të pandehur të akuzuar për rrëmbimin dhe vrasjen e Renis Dobrës janë përfshirë në një përplasje fizike gjatë zhvillimit të seancës gjyqësore.
Sipas informacioneve paraprake, në konflikt janë përfshirë Fatjon Bushgjokaj, Aleksandër Bushgjokaj, Kristi Bushgjokaj dhe Petrit Hoxha, i njohur edhe me mbiemrin Çakraj. Debati mes tyre ka nisur brenda kafazit të xhamit ku qëndronin të pandehurit dhe më pas ka degraduar në përleshje fizike.
Për të vënë situatën nën kontroll kanë ndërhyrë menjëherë efektivët e sigurisë së gjykatës, ndërsa jashtë ambienteve të GJKKO-së kanë mbërritur forca të shumta policie për të garantuar rendin dhe sigurinë.
