Rreth 8 mijë pasagjerë dhe 2,400 automjete janë përpunuar në pikën doganore të Vlorës vetëm gjatë javës së parë të gushtit. Sipas të dhënave të Doganës Shqiptare, fluksi është rritur ndjeshëm në kulmin e sezonit turistik, kur Vlora dhe zonat përreth presin mijëra vizitorë vendas dhe të huaj.
Strukturat doganore po punojnë me kapacitet të shtuar për të përballuar lëvizjet dhe për të shmangur vonesat në përpunimin e udhëtarëve dhe mjeteve. Vlora mbetet një nga pikat me qarkullimin më të lartë gjatë muajve të verës, për shkak të numrit të madh të turistëve që zgjedhin jugun e vendit.
