Presidenti ukrainas Volodymyr Zelensky njoftoi krijimin e një komande të veçantë për të intensifikuar sulmet thellë brenda territorit rus. Mediat e huaja raportojnë se, kjo strukturë e re ushtarake do të fokusohet në minimin e aftësive luftarake të Rusisë duke përdorur grupe sulmi dhe dronë.
Përveç kësaj, do të formohen forca të reja të reagimit të shpejtë për të forcuar kapacitetet mbrojtëse dhe operacionale të vendit. Në fjalimin e tij, Zelensky theksoi se kjo komandë do të kanalizojë të gjitha burimet e disponueshme për të dobësuar maksimalisht agresionin rus.
"Kjo komandë duhet të përqendrojë njëqind për qind të burimeve të saj të disponueshme në uljen edhe më tej të aftësisë luftarake të Rusisë", tha Zelensky në fjalimin e tij të mbrëmjes drejtuar kombit./
