Një vatër e re zjarri është shfaqur në masivin pyjor të Tërbunit, në Pukë, vetëm pak ditë pas zjarrit të madh që përfshiu të njëjtën zonë. Flakët janë konstatuar në një tjetër pjesë të masivit. Terreni i vështirë dhe bimësia e dendur po e vështirësojnë ndërhyrjen dhe favorizojnë përhapjen e zjarrit.
Sipas informacioneve paraprake, dyshohet se zjarri mund të jetë i qëllimshëm. Autoritetet pritet të verifikojnë shkaqet dhe rrethanat e ngjarjes. Forcat zjarrfikëse janë nisur drejt Tërbunit për të vënë flakët nën kontroll.Vetëm pak ditë më parë, një zjarr i përmasave të mëdha dogji rreth 3 mijë hektarë sipërfaqe në këtë zonë.
