Një aksident rrugor është regjistruar paraditen e sotme në aksin Fier–Patos, pranë kryqëzimit të Parkut, ku një automjet është përplasur me një motomjet të përdorur nga një shpërndarës ushqimi.
Si pasojë e përplasjes, drejtuesi i motomjetit ka mbetur i lënduar në këmbë dhe është transportuar menjëherë në spital për të marrë ndihmën mjekësore.
Burime nga vendngjarja bëjnë me dije se i dëmtuari ndodhet jashtë rrezikut për jetën dhe nuk ka pësuar dëmtime të rënda.
Në vendngjarje kanë mbërritur shërbimet e Policisë Rrugore, të cilat kanë nisur veprimet hetimore dhe procedurale për të zbardhur rrethanat dhe shkaqet e aksidentit.
Ndërkohë, efektivët po punojnë në terren për disiplinimin e lëvizjes së mjeteve dhe lehtësimin e trafikut të rënduar në këtë segment rrugor pas përplasjes.
