Një aksident i rëndë ka ndodhur mbrëmjen e kaluar në afërsi të Syrit të Kaltër. Bëhet me dije se dy persona, shtetas të huaj duke udhëtuar me një motor kanë dalë nga rruga dhe si pasojë kanë rënë nga një lartësi rreth 15 m.
Kanë qenë persona që kalonin në rrugë me mjetet e tyre ata të parët që nisën të jepnin ndihmën e parë. Më pas kanë shkuar në vend sherbimet e Qarkullimit Rrugor të Sarandës, forcat e MZSH-së, të bashkisë Finiq dhe ambulanca e Sarandës.
Dy të lënduarit janë nxjerrë nga vendi ku kishin rënë dhe u transportuan në spitalin e Sarandës për ndihmë mjekësore dhe fatmirësisht kanë pësuar vetëm lëndime të lehta. Ndërkohë, autoritetet po punojnë për të sqaruar rrethanat e plota të aksidentit
