Një shënim që paralajmëronte për eksplozivë u gjet të hënën në një aeroplan të “AJet” që fluturonte nga Ankaraja për në Sanliurfa në Turqinë juglindore. 136 pasagjerët dhe 7 anëtarët e ekuipazhit u evakuuan në mënyrë të sigurt pas uljes. Menjëherë ka nisur një hetim i imtesishëm. Prefekti i Sanliurfas njoftoi në mediat sociale se janë marrë të gjitha masat e nevojshme për evakuimin e tyre të sigurt.
“Më 5 tetor 2026, në orën 19:00, në aeroplanin e pasagjerëve AJet që operonte fluturimin 4180 nga Ankaraja në Sanliurfa u gjet një shënim, ku thuhej prania e eksplozivëve. Aeroplani u ul në Aeroportin Gap të Sanliurfas në orën 20:05.
Pasagjerët u evakuuan në mënyrë të sigurt dhe forcat e sigurisë do të kryejnë një hetim për praninë e eksplozivëve në aeroplan. Aeroplani mbante 136 pasagjerë dhe shtatë anëtarë të ekuipazhit. Janë marrë të gjitha masat e nevojshme për evakuimin e sigurt të pasagjerëve dhe ekuipazhit” – thuhet në njoftim. ©LAPSI.al
