Kryetari i Partisë Demokratike, Sali Berisha, priti sot në një takim nënkryetarin e Asamblesë Parlamentare të OSBE-së dhe deputet i Republikës së Italisë, Eugenio Zoffili.
Përmes një postimi në rrjetet sociale, Berisha ka ndarë pamje nga takimi, teksa thekson se fokusi i bisedës ishin zhvillimet politike në vend dhe më gjerë në Ballkanin Perëndimor.
“Diskutuam mbi zhvillimet politike në rajon, forcimin e bashkëpunimit parlamentar dhe rolin e OSBE-së në mbrojtjen e demokracisë, shtetit të së drejtës dhe proceseve të lira zgjedhore. U theksua gjithashtu rëndësia e bashkëpunimit ndërmjet forcave politike të qendrës së djathtë në Europë, si dhe nevoja për institucione të forta dhe të pavarura në Shqipëri dhe më gjerë në Ballkanin Perëndimor”,-thekson Berisha.
Në takim mori pjesë edhe Fatmir Mediu, deputet dhe Kryetar i Partisë Republikane të Shqipërisë dhe Sention Zotaj, nënkryetar i Partisë Republikane të Shqipërisë.
