Tre piktura me vlerë mbi 9 milionë euro që u vodhën në muajin mars në Fondacionin Magnani Rocca, në rajonin e Parmës në Itali, u gjetën dhe u rikuperuan nga Korpusi i Karabinierëve. Siç raportohet nga Reuters, pikturat u gjetën pas një hetimi të gjerë.
Bëhet fjalë për pikturën "Natura morta con ciliegie" (1890) nga Paul Cézanne, në laps dhe akuarel mbi letër të bardhë, e vlerësuar 6 milionë euro.
Piktura tjetër është "Les Poissons" (1917) nga Pierre-Auguste Renoir, në vaj mbi kanavacë, e nënshkruar dhe e datuar "Renoir 1917", e vlerësuar afërsisht 3 milionë euro.
Piktura e tretë është "Odalisca sulla terrazza" (1922) nga Henri Matisse, akuatintë me ngjyra mbi letër, e vlerësuar 20,000 euro.
Piktura e Pierre-Auguste Renoir, "Les Poissons", vaj mbi kanavacë e vitit 1917, konsiderohet veçanërisht e vlefshme, me vlerën e saj të vlerësuar në disa milionë euro, pasi është një nga veprat e pakta të artistit të ekspozuara përgjithmonë në Itali.
Vjedhja ndodhi natën e 22-23 marsit 2026, kur një bandë e organizuar mirë hyri me forcë në muze pasi kishte prerë hekurat e perimetrit të portës me një sharrë, duke përfunduar "aksionin" në më pak se 3 minuta. Autorët, me fytyrat e mbuluara, lanë një pikturë të katërt në vendngjarje kur u aktivizua sistemi i alarmit, mbi të cilën u gjetën gjurmë biologjike dhe gjurmë gishtash që ndihmuan në hetim. ©LAPSI.al
