Sapo topi i goditur nga pika e bardhë nga José Canale përfundoi në rrjetë, në Paraguai shpërtheu festa. Një popull i tërë festoi fitoren e kombëtares ndaj Gjermanisë, shumë më të favorizuar. Gjermanët, që vinin nga humbja në ndeshjen e fundit të fazës së grupeve kundër Ekuadorit, u dorëzuan edhe përballë Paraguait, i cili e çoi sfidën te penalltitë pas avantazhit fillestar të Encisos dhe barazimit të mëvonshëm të Havertz.
Për herë të katërt, pas Botërorëve të viteve 1986, 1998 dhe 2002, Paraguai rikthehet në 1/8-at e finales me shpresën për të përsëritur arritjen e vitit 2010, kur u eliminua vetëm në çerekfinale. Pikërisht për t’i dhënë mundësi popullit të festojë siç duhet këtë fitore, presidenti paraguaian Santiago Peña firmosi dekretin që shpall këtë të martë festë kombëtare në të gjithë Paraguain pas suksesit historik ndaj Gjermanisë. Firma erdhi menjëherë pas vërshëllimës së fundit të ndeshjes.
¡Gigante Paraguay! 🇵🇾
— Santiago Peña (@SantiPenap) June 30, 2026
Hoy celebra todo un país. Celebra la victoria de una selección que representa lo más profundo de nuestra identidad: la garra, la fe y la fuerza de un pueblo que nunca se rinde.
Gracias, Albirroja, por regalarnos esta alegría inmensa y por volver a unir a… pic.twitter.com/TNDU8wtctL
Nuk kishte kaluar as koha për të festuar penalltinë vendimtare, kur Peña publikoi në profilin e tij në X një fotografi ku firmoste dekretin për shpalljen e festës kombëtare. “Paraguai nuk dorëzohet kurrë! Festë, dreqi ta hajë! Sot feston një vend i tërë. Feston fitoren e një kombëtareje që përfaqëson zemrën e identitetit tonë: guximin, besimin dhe forcën e një populli që nuk dorëzohet kurrë. Faleminderit, Albirroja, që na dhurove këtë gëzim të jashtëzakonshëm dhe bashkove sërish miliona paraguaianë nën të njëjtin flamur. Dekreti nr. 6280: gjërat e mira ia vlejnë të priten.”
Në këtë mënyrë ai e zyrtarizoi vendimin menjëherë pas përfundimit të ndeshjes. Më pas, Presidenca e Republikës publikoi një deklaratë zyrtare duke bërë të ditur se festa kombëtare ishte shpallur si një vlerësim për arritjen historike të futbollit vendas dhe për t’i mundësuar popullsisë të festojë kualifikimin në 1/8-at në të gjithë vendin. Paraguai tani, për të shkruar edhe më shumë histori, do të presë fituesen e sfidës mes Francës dhe Suedisë, me shpresën për një tjetër natë të paharrueshme për një popull të tërë.
Paraguay escribió una de las páginas más importantes de su historia mundialista al eliminar a Alemania en los dieciseisavos de final del Mundial 2026. Con el final de partido, empezaron los festejos en Encarnación 🇵🇾 🎇 pic.twitter.com/SD095pznbN
— misionesonline.net (@misionesonline) June 30, 2026
