Kisha Orthodhokse Autoqefale e Shqipërisë ka reaguar pas tensioneve në protestë dhe pamjeve të përplasjeve në oborrin e Katedrales “Ngjallja e Krishtit” në Tiranë, duke shprehur shqetësimin dhe bërë thirrje për respektimin e vendeve të shenjta.
Përmes një reagimi të publikuar në rrjetet sociale, KOASH thekson se hapësirat e kultit nuk duhet të kthehen në vende përplasjesh dhe konfliktesh.
“Pas pamjeve të ngjarjeve në oborrin e Katedrales ‘Ngjallja e Krishtit’ në Tiranë, shprehim shqetësimin dhe bëjmë thirrje të respektohen vendet tona të shenjta. Ato asnjëherë nuk janë hapësira konflikti e përplasjeje dhe nuk i pranojnë ato”, thuhet në deklaratën e Kishës.
Në reagimin e saj, Kisha nënvizon rëndësinë e katedrales si një vend lutjeje dhe shërbesash fetare, ku përcillet mesazhi i paqes.
“Katedralja ‘Ngjallja e Krishtit’ është vend i shenjtë lutjeje, vend ku kryhen shërbesat e shenjta dhe ku predikohet kultura e paqes”, theksohet më tej në deklaratë.
REAGIM
Kisha Orthodhokse Autoqefale e Shqipërisë, pasi pa pamjet e ngjarjeve në oborrin e Katedrales “Ngjallja e Krishtit” në Tiranë, shpreh shqetësimin dhe bën thirrje të respektohen vendet e saj të shenjta. Ato asnjëherë nuk janë hapësira konflikti e përplasjeje dhe nuk i pranojnë ato.
Katedralja “Ngjallja e Krishtit” është vend i shenjtë lutjeje, vend ku kryhen shërbesat e shenjta dhe ku predikohet kultura e paqes.
Kisha Orthodhokse Autoqefale e Shqipërisë bën dhe njëherë thirrje për distancim nga dhuna dhe gjetjen e hapësirës së dialogut.
