Kreu i Grupit Parlamentar të Partisë Demokratike, Gazment Bardhi, ka reaguar ashpër ndaj sjelljes së policisë ndaj të rinjve gjatë protestave në Tiranë, duke e cilësuar situatën si “terrorizëm shtetëror”.
Teksa publikon në video nga ndalimi i disa të miturve , Bardhi u ka bërë thirrje efektivëve të policisë të mos ushtrojnë presion dhe frikësim ndaj fëmijëve dhe të rinjve që ndodhen në rrugë, duke kundërshtuar trajtimin e tyre sikur të kishin kryer vepra penale.
“Mos i terrorizoni fëmijët, mos i trajtoni sikur kanë kryer ndonjë krim vetëm se janë në rrugë dhe ju dalin përpara. Ndaluni, sepse ky është terrorizëm shtetëror”, shkruan Bardhi.
