Një 20-vjeçar, pjesë e Forcave të Armatosura, është vrarë me armë zjarri në Korçë, ndërsa dinamika paraprake tregon se autori e ka ndjekur deri brenda një pallati. Viktima është Joan Zuko. Sipas informacioneve të para, ai nuk banonte në zonën ku ndodhi ngjarja. Në përpjekje për t’i shpëtuar autorit, 20-vjeçari ka hyrë në një pallat. I dyshuari e ka ndjekur dhe e ka qëlluar brenda ambienteve të godinës.
Burime bëjnë me dije se autori dhe viktima njiheshin prej vitesh dhe ishin rritur bashkë. I dyshuari rezulton me precedentë penalë për armëmbajtje pa leje dhe plagosje. Policia e ka identifikuar dhe vijon kërkimet për kapjen e tij. Në disa zona janë ngritur postblloqe, ndërsa kontrollet vazhdojnë.
