Është kthyer në një mister shfaqja e një ishulli të vogël në Liqenin Williston në British Columbia në veri të Kanadasë. Ai u shfaq papritur në hartë dhe pastaj u zhduk pasi duket se u zhvendos diku tjetër.
Liqeni Williston është rezervuari i shtatë më i madh artificial për nga vëllimi në botë dhe liqeni më i madh i ujërave të ëmbla në provincën kanadeze. Rezervuari në formë T-je ka një sipërfaqe prej rreth 2,700 kilometrash katrorë që kur u mbush në vitin 1972.
Siç raportohet nga New York Times, të gjitha ishujt e liqenit janë hartëzuar dhe janë të njohur për marinarët. Megjithatë, një video që qarkulloi në mediat sociale kanadeze këtë verë fiksoi një ishull të harlisur dhe të pyllëzuar prej gati dy akrash, i cili thuhet se noton nëpër liqenit dhe që nuk ishte parë kurrë më parë.
Bob Gammer, një zëdhënës i BC Hydro, kompanisë shtetërore të shërbimeve që menaxhon liqenin dhe një digë aty pranë, tha se e pa videon për herë të parë në mesin e gushtit. Ai nuk mundi dhe nuk donte ta besonte që videoja ishte e vërtetë. "Ndoshta është me inteligjencë artificiale", mendoi ai. Nuk kishte pasur raportime për ishullin në javët e fundit, kështu që Gammer e injoroi atë.
Por më pas një inxhinier i kompanisë pa imazhet satelitore të rezervuarit të marra disa javë më parë. Ishulli ishte aty. Ishte i vërtetë. "Kjo është hera e parë që diçka e tillë na ka ndodhur neve dhe këtij rezervuari", - tha Gammer në një intervistë të hënën (31 gusht).
Imazhet satelitore tregojnë një pikë të gjelbër në një sipërfaqe blu, që përfaqëson ishullin lundrues. Megjithatë, në imazhin e dytë, pika e gjelbër është zhdukur. Imazhi satelitor i marrë më 21 korrik tregon se ishulli është rreth 138 metra i gjatë dhe 69 metra i gjerë.
Pyetja që lindi automatikisht ishte, nga mund të ketë ardhur? "Një shpjegim i mundshëm është se është formuar nga trungjet dhe mbeturinat e drurit", theksoi Gammer . "Trungjet dhe mbeturinat e drurit janë grumbulluar gjatë shumë viteve në një zonë të mbrojtur të bregdetit. Ndërsa materiali dekompozohet gradualisht, më shumë bimësi mbin prej tij. Mund ta imagjinoni se me kalimin e kohës, edhe atje, pemët mund të rriten në këtë sipërfaqe lundruese të trungjeve. Përfundimisht ajo fillon të bashkohet së bashku."
Të hënën vonë në mbrëmje, Gammer njoftoi se kishte zbuluar vendndodhjen e ishullit: " Sapo e gjetëm ishullin! " Sipas tij, ishulli ndodhej rreth 32 kilometra në veriperëndim të vendit ku ishte parë për herë të fundit.
Por ka ende një mister: Si mund të shfaqet dhe pastaj të zhduket një ishull dy hektarësh me bimësi? Gammer tha se autoritetet mund të mos e dinë kurrë se çfarë i ndodh ishullit. "A u fundos në fund? A u thye? A ka copa të vogla që notojnë përreth? Apo erërat e shtynë më afër një pjese tjetër të bregdetit?" Tani, autoritetet e dinë se ku ta kërkojnë ishullin imagjinar. ©LAPSI.al
