Kompania qw ka rrethuar zonwn e mbrojtur nw Zvërnec ``South Adriatic Development” ka reaguar pas përplasjeve gjatë protestës , ku punonjës të sigurisë private u përfshinë në përplasje fizike me qytetarët.
Në një deklaratë për mediat, kompania ka bërë të ditur se ka vendosur ndërprerjen e menjëhershme të marrëdhënies kontraktuale me kompaninë e sigurisë “Major Security”, pas publikimit të pamjeve që tregonin dhunë ndaj protestuesve. Konkretisht, roja Gerald Biba tërhoqi zvarrë brenda rrethimit një prej qytetarëve që ndodheshin aty pranë për të kundërshtuar projektin.
Sipas zhvilluesit të projektit, veprimet e punonjësve të sigurisë nuk kanë qenë të udhëzuara apo të autorizuara nga ana e tyre, duke theksuar se çdo sjellje e tillë është e papranueshme dhe jashtë çdo kuadri ligjor.
-
Një drejtor policie, kokë turku në Zvërnec
31 Maj, 08:27
Në deklaratë nënvizohet se rojet private kishin detyrën të garantonin sigurinë e zonës zhvillimore private, por ndërhyrja ndaj një qytetari dhe tërheqja e tij me forcë brenda perimetrit të pronës përbën, sipas kompanisë, një akt të dënueshëm si moralisht ashtu edhe ligjërisht.
Për këtë arsye, kompania ka kërkuar që institucionet ligjzbatuese të kryejnë një hetim të plotë, të pavarur dhe të paanshëm mbi ngjarjen, si dhe të identifikojnë përgjegjësit për incidentin.
Sipas kompanisë, projekti synon të ndërtohet në përputhje me standardet më të larta ndërkombëtare dhe me respekt të plotë për ekosistemin e zonës, duke u paraqitur si një model zhvillimi i harmonizuar me natyrën.
LAPSI.AL
