Një video e re e këngëtarit Post Malone gjatë një performance live ka shkaktuar reagime të shumta në rrjet, pasi ai shihet dukshëm i lodhur dhe me sjellje të pazakontë në skenë.
Në pamjet që janë bërë virale, 30-vjeçari duket se ka vështirësi gjatë interpretimit, ulet në skenë dhe ndez një cigare, përpara se të ngrihet sërish dhe të qëndrojë për disa sekonda i heshtur duke parë publikun. Më pas ai shihet edhe duke pështyrë në ajër, një moment që ka habitur fansat.
Disa përdorues në rrjet kanë krahasuar sjelljen e tij me performancat e fundit të këngëtares së ndjerë Amy Winehouse, duke shprehur shqetësim për gjendjen e tij.
Reminding me of Amy Winehouse on her worst day, here is Post Malone lying on the ground, lighting a cigarette.
— Dr. Jebra Faushay (@JebraFaushay) June 2, 2026
Then he walks around like a 90-year-old man who lost his shoes and needs a chiropractic adjustment.
Should we be worried?
(Bigstepper) pic.twitter.com/c5tCPzPltW
Komentet në rrjet variojnë nga “duket i rraskapitur” deri te thirrjet që ai të marrë ndihmë, ndërsa disa fansa kujtojnë edhe shtyrjen e fundit të turneut të tij “BIG ASS Stadium Tour”, i cili përfshin bashkëpunime me artistë si Jelly Roll.
Post Malone u bë i famshëm në vitin 2015 me këngën “White Iverson”, ndërsa më vonë arriti sukses global me hite si “Sunflower”.
