Një incident i pazakontë ndodhi gjatë konferencës së fundit për shtyp të Presidentes së Meksikës, Claudia Sheinbaum. Në përpjekjen e saj për të promovuar Kupën e Botës, presidentja meksikane hodhi topa futbolli drejt gazetarëve në sallë, por një gazetare që u përpoq ta kapte humbi ekuilibrin dhe të ra në tokë para dhjetëra pjesëmarrësve.
Incidenti ndodhi kur Claudia Sheinbaum vendosi t'u shpërndante topa futbolli përfaqësuesve të medias. Sapo presidentja hodhi topin e parë drejt gazetarëve, disa prej tyre lëvizën për ta kapur atë, duke krijuar një rrëmujë të vogël.
Rënia e gazetares shkaktoi të qeshura spontane midis disa gazetarëve dhe anëtarëve të stafit. Reagimi i presidentes Sheinbaum ishte i menjëhershëm. Ajo zbriti shpejt nga skena dhe iu afrua gazetares për t'u siguruar që ishte mirë. Më pas e ndihmoi të ngrihej dhe për fat të mirë gruaja nuk u plagos rëndë. Të dyja u panë të shkëmbenin të qeshura. ©LAPSI.al
