Edi Rama nuk arriti ta mbante gjatë maskën e kryeministrit “europian” që dëgjon qytetarët. Vetëm një ditë më parë, përballë reagimit publik për projektin në Zvërnec, ai u përpoq të shfaqej i hapur dhe tha se nëse qytetarët nuk e duan projektin, atëherë ai mund të lihet fare.
Por një ditë më pas, Rama foli siç mendon realisht. Jo më si kryeministër që dëgjon, por si pronar që vendos. “Sa të jem unë, nuk ka shans”, ishte mesazhi i tij për ata që kundërshtojnë projektin.
Pra, në më pak se 24 orë, Rama kaloi nga fasada e dialogut te arroganca e pushtetit. Nga “nëse nuk e doni, e lëmë”, te “sa të jem unë, bëhet siç them unë”.
