Presidenti amerikan Donald Trump dhe kryeministri izraelit Benjamin Netanyahu janë përplasur lidhur me operacionet ushtarake të Izraelit në Liban, Sipas medias amerikane Axios ,Trump reagoi ashpër pasi Izraeli njoftoi se ishte gati të zgjeronte operacionet deri në bombardimin e periferive jugore të Bejrutit. Media raporton pretendon se presidenti amerikan e quajti Netanyahun “të çmendur”. Ai gjithashtu thuhet se e akuzoi për mosmirënjohje.
Burime të cituara nga Axios thonë se Trump ishte shumë i zemëruar gjatë bisedës. Telefonata përshkruhet si një nga përplasjet më serioze mes dy liderëve që nga rikthimi i Trump në Shtëpinë e Bardhë. Në një prej deklaratave të raportuara nga media, Trump thuhet se i ka thënë Netanyahut: “Të gjithë ju urrejnë tani. Të gjithë e urrejnë Izraelin.”
Megjithatë, Izraeli nuk duket të ketë ndryshuar qëndrim. Zyra e shtypit të kryministrit Netanyahu doli në një deklaratë ku shprehej se Bejruti do të goditet nëse Hezbollahu nuk ndalon sulmet. Në njoftimin e dalë pas telefonatës me Trump, shtohet se operacionet ushtarake në jug të Libanit do të vazhdojnë.
©Lapsi.al
