Pas një “memecërie” të gjatë për rastin e projektit në Zvërnec, më në fund sot doli një deklaratë nga Ministria e Mjedisit. Me këtë rast mësuam se në qeverinë e Edi Ramës ka edhe një person që merr rrogën si ministër.
Sofjan Jaupaj priti sot eurodeputetët që iu bashkuan protestës, e cila kërkon "kokën” e shefit të tij politik, Edi Ramës.
Në njoftimin e shpërndarë për mediat nga ministria, thuhet mes të tjerash se “Ministria po ndjek me vëmendje maksimale çdo aspekt të këtij procesi dhe se çdo zhvillim i mundshëm do të trajtohet në përputhje të plotë me legjislacionin shqiptar dhe acquis të Bashkimit Europian”.
Më tej thuhet se ministri ju tha eurodeputetëve se, në rast se paraqitet një projekt për shqyrtim, ai do t’i nënshtrohet një Vlerësimi të Plotë të Ndikimit në Mjedis (VNM), të realizuar mbi bazën e standardeve më të larta profesionale, me transparencë të plotë, konsultim publik dhe pjesëmarrjen e të gjitha institucioneve kompetente.
Natyrisht që nuk pritet nga figurinat e Edi Ramës të mësohet më shumë për fatin e projeketeve strategjike apo cështjeve të mprehta. Ata nuk guxojnë të mendojnë me kokën e tyre dhe as të flasin para shefit të tyre politik. Sot së paku lajmi ishte thjesht se mësuam që Republika e Shqipërisë ka edhe një Ministër Mjedisi. ©LAPSI.al
