Kryeministri i Shqipërisë, Edi Rama, ka reaguar pas shpalljes së aktgjykimit ndaj Hashim Thaçit, Kadri Veselit, Rexhep Selimit dhe Jakup Krasniqit.
Rama publikoi në rrjetet sociale një fotografi me vetëm një fjalë: “Marre”, duke shprehur, siç duket, kundërshtimin e tij ndaj vendimit të Dhomave të Specializuara.
Por shqiptarët nuk e kanë memorien aq të shkurtër sa ç'mendon kryeministri. Shumë prej tyre i kanë kujtuar qëndrimin që ka mbajtur Rama pro ngritjes së Gjykatës Speciale, udhëtimet e tij urgjente në Prishtinë dhe rolin që ka luajtur për ta bindur Thaçin të votojë pro kësaj gjykate.
"Të fala Vuçiçit" shkruan njëri prej tyre, ndërsa një tjetër i thotë: Marre për ty që vije me aeroplan privat" për të bërë presion për gjykatën. Komentuesit i kujtojnë edhe projektin e përbashkët me Vuçiçin "Ballkanin e hapur" ndërkohë që të tjerë kujtojnë votën e Partisë Socialiste kundër rezolutës së dënimit të krimeve serbe në Kosovë.
