Një video po qarkullon në internet ku shihet një dron rus në Kherson të Ukrainës, duke ndjekur një shitës ambulant brenda pak metrash dhe duke e goditur atë. Pamjet tregojnë personin që përpiqet të fshihet rreth automjetit të tij të parkuar. Në një moment droni bie dhe shpërthen.
Në një postim të gjatë, Presidenti ukrainas Volodymyr Zelensky dënoi ashpër veprimet e Rusisë që shënjestrojnë qytetarë të zakonshëm. Ai tha se personi u plagos duke shtuar se rusët jo vetëm që nuk treguan keqardhje, por edhe e bënë materialin publik, duke u mburrur me sulmin.
Today, many were shocked by yet another video of the drone “safari” Russians are carrying out against civilians in Kherson. A Russian drone deliberately hunted down a man selling vegetables and detonated right next to him. The Russians even admitted to the crime, showing zero… pic.twitter.com/uGjC7esFwR
— Volodymyr Zelenskyy / Володимир Зеленський (@ZelenskyyUa) August 4, 2026
Zelensky pohoi se incidente të ngjashme ndodhin çdo ditë në Kherson, duke iu referuar një "safari" me dronë kundër civilëve.
"Bota duhet ta shohë këtë realitet. Duhet të shohë çdo provë që vërteton se Rusia ka humbur të gjitha kufijtë dhe se ushtarët e saj marrin kënaqësi nga vrasja dhe abuzimi me civilët", - tha ai.
Presidenti ukrainas argumentoi se pa presion të konsiderueshëm ndërkombëtar mbi Rusinë, kufizim të aftësive të saj ushtarake dhe garanci të besueshme sigurie, nuk mund të ketë bashkëjetesë paqësore.
Ai i bëri thirrje bashkësisë ndërkombëtare të vazhdojë të mbështesë Ukrainën, në mënyrë që - siç tha ai - Rusia të detyrohet të zgjedhë paqen në vend të përshkallëzimit të mëtejshëm të luftës përmes përdorimit të dronëve. ©LAPSI.al
