Kryeministri Rama ka reaguar për protestën nga godina e dëmtuar e Kolegjit të Europës. Rama ka reaguar duke dënuar dhunën gjatë protestave dhe duke ndarë studentët nga personat që, sipas tij, qëndrojnë pas akteve të dhunshme. Rama shtoi se pas dëmtimeve qëndrojnë “duar që përpiqen ta ulin Shqipërinë poshtë sa herë ajo përpiqet të shkojë lart”.
"Deri dje, kjo ishte zyra e Kolegjit të Evropës, shkollës së Evropës së bashkuar që e ecelëm në Shqipëri së bashku me udhëheqësit evropianë të pranishëm këtu në Tiranë. Sot kjo është rrënoja e duarve që nuk janë dhe nuk mund të jenë kurrë duart e studentëve, Studentët janë e e ardhmja, janë ata që shohin larg dhe që duan të shkojnë më larg dhe më shpejt, Studentët janë gjithnjë të mirëpritur dhe për ta ne jemi gjithnjë gati të ulemi të flasim, të diskutojmë dhe të gjejmë zgjidhje për gjërat që kërkojnë zgjidhje, Këto janë të tjera duar, këto janë duart që përpiqen ta ulin poshtë Shqipërisë sa herë Shqipëria përpiqet të shkojë lart, Këto janë duar e një opozita, e cila me maska të verbërisë, me zjarr dhe hekur, kërkon ta kthejë Shqipërinë aty ku Shqipëria nuk do të kthehet kurrë”, tha Rama.
