Ndërsa në Shqipëri protestat kanë hyrë në ditën e 26-të dhe mijëra qytetarë mblidhen çdo mbrëmje në Tiranë e qytete të tjera duke kërkuar dorëheqjen e tij, kryeministri Edi Rama ka zgjedhur t'i hipë avionit, të shkojë në Poloni, dhe të flasë për hallet e Ukrainës.
Nga Polonia, ku mori pjesë në Konferencën për Rindërtimin e Ukrainës, Rama foli për nevojën e rindërtimit të Ukrainës dhe të ardhmen e saj europiane, a thua se iranianët dhe rusët nuk po i destabilizojnë vendin (siç thotë), madje mu përballë zyrës së tij.
Në fjalën e tij, Rama tha se “rindërtimi nuk është bamirësi, por strategji” dhe theksoi se “Ukraina po rindërton guximin e Europës. Europa duhet të ndihmojë në rindërtimin e së ardhmes së Ukrainës”, duke i sfiduar kështu rusët aty ku atyre i dhemb më shumë, në Ukrainë.
Mbetet për t'u parë se kur do të kthehet Rama në Tiranë, për t'i luftuar rusët këtu në luftë hibride dhe jo në Ukrainë ku rusët luftohen në front, haptazi. ©Lapsi.al
-
Propaganda e Ramës në krizë/ Kur Tirana ta përmjerr Parisin
24 Qershor, 16:37
