Atmosfera e triumfit pushtoi selinë e Partisë Demokratike mbrëmjen e kaluar, sapo u shpall rezultati i votimit pa garë që rikonfirmoi Sali Berisha në krye të partisë së tij. Pamjet e festës, të shoqëruara me shpërthime fishekzjarresh mbi godinën blu, krijuan për disa minuta idenë e një fitoreje dramatike elektorale, ndonëse në fletën e votimit mungonte një element i vogël, por që zakonisht është i rëndësishëm në politikë: rivali në garë.
Gjithsesi, sapo mbyllën procesit, drejtues dhe mbështetës të PD-së nisën festën për 37 341 votat pro Berishës, në një përpjekje për ta harruar sa më shpejt jehonën e akuzave të Ervin Salianjit, si i vetmi kandidat për kryetar që doli për të sfiduar hapur kryetarin.
