Mbetet e rënduar situata nga zjarri në Himarë. Raportohet se flakët kanë shkrumbuar deri tani 2 banesa ndërsa rreth 40 të tjera janë rrethuar nga zjarri. Flakët po përparojnë me shpejtësi për shkak të erës dhe terrenit.
Kryetari i Bashkisë Vangjel Tavo ka bërë thirrje për evakuim të menjëhershëm nga banesat të zonave të rrezikuara.
Para pak çastesh ka nisur evakuimi i banorëve dhe i turistëve që ndodhen në hotelet e Himarës.
Situata paraqitet e vështirë për zjarrfikësit, të cilët vijojnë të jenë në terren, duke punuar për shuarjen dhe izolimin e flakëve. Kanë qenë të shumtë banorët që kanë bërë apel për ndihmë pasi flakët po u afrohen shtëpive të tjera në qytet. /LAPSI.al
Galeria fotografike ( )
