Një ngjarje e pazakontë ka ndodhur sot në kryeqytet, teksa raportohet se është bllokuar shërbimi i linjës së urbanit “Shkozë-Qendër”.
Sipas denoncimeve të qytetarëve, shoferët e kësaj linje kanë zbritur pasagjerët nga autobusi në mes të rrugës dhe gjatë orarit zyrtar të punës, me pretendimin se do të bënin pushim për të pirë kafe.
Qytetarët e pranishëm janë përballur me sjelljen e paprecedentë të drejtuesve të mjeteve, të cilët kanë ndërprerë shërbimin publik pa asnjë paralajmërim apo shkak të arsyetuar, siç raportohet.
Kjo situatë ka nxitur revoltë të madhe mes udhëtarëve që përdorin çdo ditë transportin publik në Tiranë, ndërsa kërkohet ndërhyrja e menjëhershme e autoriteteve kompetente për marrjen e masave të përshtatshme.
