Gjykata e Lartë shqyrton sot masën e sigurisë ndaj kryetarit të Bashkisë së Tiranës, Erion Veliaj. Seanca do të zhvillohet në Dhomë Këshillimi, ndërsa në qendër është masa “arrest me burg” që rëndon ndaj tij.
Çështja është rikthyer për shqyrtim pas vendimit të Gjykatës Kushtetuese, e cila kërkoi rivlerësimin e proporcionalitetit të masës së sigurisë. Gjykata e Lartë do të shqyrtojë argumentet e palëve dhe rrethanat e çështjes, për të vendosur nëse arresti me burg do të mbetet në fuqi apo do të zëvendësohet me një masë tjetër. Veliaj ndodhet prej muajsh në paraburgim në kuadër të hetimeve të SPAK.
