Nën masa të rrepta sigurie dhe i shoqëruar nga forca të shumta policore, Ilir Selmanaj, i akuzuar si pjesë e klanit “Duka” për vrasjen e ish-policit Santiago Malko është paraqitur sërish në GJKKO.
Selmanaj, i cili aktualisht ndodhet në masën “arrest shtëpie” pas tejkalimit të afateve të paraburgimit, po përballet me procesin në Apel ku është dënuar më parë me 26 vite burg. Zhvillimi i kësaj seance vjen vetëm pak kohë pasi ai i mbijetoi një atentati pranë banesës së tij, ngjarje e cila ka shtuar nevojën për masa të larta mbrojtëse.
Kjo çështje lidhet me një prej atentateve më të bujshme të viteve të fundit, ku viktima Santiago Malko njihej si person i afërt me Ervis Martinajn, fati i të cilit mbetet ende mister.
