Televizioni publik gjerman, ZDF i ka kushtuar një reportazh asaj që po ndodh në Shqipëri. Gazetarja gjermane thotë se një projekt gjigant hoteli luksoz po shkakton zemërim në mesin e popullsisë.
Sipas saj, ky projekt kërcënon të shkatërrojë në mënyrë të pakthyeshme një rezervë natyrore unike dhe ekologjikisht të paçmueshme.
“Ivanka Trump, vajza e presidentit të SHBA-së, e zbuloi vetë këtë perlë të Mesdheut disa vjet më parë, duke notuar dhe duke hipur në një jaht luksoz. Tani, bashkëshorti i saj, Jared Kushner, partner në një fond pasurish të patundshme me vlerë shumë miliardë euro, planifikon të investojë disa miliardë euro në zhvillimin e turizmit luksoz, me mbështetjen aktive të kryeministrit shqiptar Edi Rama dhe miratimin e heshtur të opozitës së udhëhequr nga ish-kryeministri Sali Berishë.
Por rezistenca e ashpër po rritet në mesin e popullsisë shqiptare. Nën sloganin "Shqipëria nuk është në shitje" dhe me simbolin e tyre, një flamingo rozë, mijëra shqiptarë, kryesisht të rinj, dolën në rrugë. Një formë e re proteste po zhvillohet, në të cilën jo vetëm që partitë opozitare dhe qeveritare në parlament përplasen me dhunë nën akuza të ndërsjella për korrupsion, por të rinjtë shqiptarë po kërkojnë gjithashtu kthimin e shtetit” – thuhet në dokumentar, videon e të cilit e keni më poshtë. ©LAPSI.al
