Katër vatra zjarri vijojnë të jenë aktive në vend, ndërsa një tjetër po mbahet nën monitorim. Sipas Ministrisë së Mbrojtjes, zjarret aktive ndodhen në Dajt dhe Priskë të Tiranës, në Lufaj të Mirditës dhe në Tërbun të Pukës.
Në Dajt vijon puna nga toka me 50 efektivë të Forcave të Armatosura, 15 zjarrfikës dhe forca të zonave të mbrojtura. Aktualisht nuk ka rrezik për banesat.
Operacioni mbetet i përqendruar edhe në Tërbun. Në terren janë angazhuar forca vendore, vullnetarë dhe efektivë të ushtrisë.
Ndërkohë, zjarret në Gurë-Lurë, Bruç të Matit, Tharr të Mirditës dhe Selenicë janë shuar plotësisht. Në Qafë Helmës situata vijon të monitorohet.
