Zjarri në zonën Gojan–Gjegjan të Pukës vijon të jetë aktiv. Në Gojan të Madh, situata është më e qetë. Gjatë natës, zjarrfikësit kanë ndërhyrë në zonat ku terreni lejonte kalimin e mjeteve. Në pjesën e sipërme të Gojanit, pranë Meshurdhit, vatra është izoluar plotësisht.
Situata më problematike mbetet në Gojan të Vogël, ku flakët ndodhen pranë zonës së banuar. Terreni i vështirë dhe mungesa e aksesit rrugor po pengojnë ndërhyrjen nga toka. Në këtë zonë po operojnë dy helikopterë nga ajri.
Zjarri po përparon edhe mbi Gjegjan, por aktualisht nuk rrezikohen banesat. Forcat tokësore vijojnë punën, ndërsa zjarrfikësit janë përqendruar pranë zonave të banuara.
