Prezantimi i koleksionit të ri Atelier Versace të dielën mbrëma në Paris, tërhoqi vëmendjen e mediave ndërkombëtare të cilat më shumë se veshjet e krijuara nga Donatella Versace, komentuan në faqet e tyre të para, pamjen në portokalli të 25-vjeçares Rita Ora. Ylli i hitit “Body on Me”, kishte veshur një fustan me copa të vogla të lidhur me litarë, ku lehtësisht të binte në sy, trupi lakuriq, pa të brendshme!
Por Rita Ora nuk ishte e vetmja shqiptare e ftuar për të ndjekur nga afër sfilatën e Versace në Paris Fashion Week. Modelja Aurela Hoxha u pa gjithashtu në rradhë të parë e së bashku me fotografin Endrit Mërtiri, postuan foto nga eventi i rëndësishëm i modës.
Ajo mund të jetë një nga emrat më të përfolur të showbiz-it shqiptar, por Aurela Hoxha duket se tërhoqi gjithashtu vëmendjen e supermodeles Irina Shayk, e cila ishte një nga vajzat që sfiluan në pasarelë.
Endrit Mërtiri, fotografi i njohur shqiptar i ‘fashion’ preferoi të shoqërohet me kolegët e tij të famshëm, dyshen Mert and Marcus, të cilët po ashtu gjendeshin në prezantimin e Atelier Versace.
